Александр Усик жаңа бокс промоушеніне қызығушылық танытты

talkSport мәліметінше, украиналық боксшы Александр Усик UFC басшысы Дана Уайт пен сауд серіктестері құрған жаңа бокс лигасына қатысуға қызығушылық білдірді.

«Бұл тамаша идея. Бокста жаңа бастамалардың пайда болуына қуаныштымын және оларды қолдаймын. Көп адамдар сенбеуі мүмкін, бірақ жаңа нәрсені байқап көру әрдайым маңызды», – деді Усик.

Чемпион әзірге ресми ұсыныс алмағанын, бірақ командасы ынтымақтастық мүмкіндігін қарастыруға дайын екенін айтты. Сонымен қатар, Усиктің осы лига аясында Алекс Перейрамен күзде жекпе-жек өткізуі мүмкін екені талқылануда.