29.08.2025
Оқу уақыты: 1 мин

Александр Бублик US Open жарысының үшінші айналымына шықты

Бағдаулет Ерғали
Бағдаулет Ерғали
Александр Бублик US Open жарысының үшінші айналымына шықты

Қазақстанның бірінші, әлемнің 24-ракеткасы Александр Бублик АҚШ ашық чемпионатының (US Open) екінші айналымында сенімді жеңіске жетті.

Қазақстандық теннисші әлемдік рейтингте 96-орында тұрған аустралиялық Тристан Скулкейтті 6:3, 6:3, 6:3 есебімен ұтып, турнирдегі екінші жеңісін тіркеді.

Матч бір сағат 45 минутқа созылды. Осы уақыт ішінде Бублик 16 эйс жасап, 6 брейк-пойнттың төртеуін сәтті пайдаланды.

Үшінші айналымда Александр Бублик америкалық теннисші, әлемнің 14-ракеткасы Томми Полға қарсы өнер көрсетеді.

Бублик үшін бұл кездесу турнирдегі басты сынақтардың бірі болмақ.