Александер-Арнольд Реалда қандай нөмірмен ойнайтыны белгілі болды

Фабрицио Романо инсайдерінің мәліметі бойынша, Трент Александер-Арнольд мадридтік «Реалда» 12-ші нөмірмен өнер көрсететін болады.

Ағылшын қорғаушысы — Ла Лига регламентіне сәйкес негізгі құрам ойыншылары үшін 1-ден 25-ке дейінгі нөмірлерді пайдалану талабына байланысты әдеттегі 66-шы нөмірден бас тартуға мәжбүр болды.

«Реал» жаңа ойыншының ресми таныстырылымын ертеңге белгіледі — алдымен алты жылдық келісімшартқа қол қойылады, содан кейін футболшы арнайы баспасөз мәслихатында журналистермен кездеседі.