Alash Pride 102 турнирі: Саламат Исбулаев Түркістанда титулды қорғауға дайындалуда

30 қарашада Түркістанда өтетін Alash Pride 102 турнирінде жеңіл салмақтағы титулды қорғау жекпе-жегі өтеді. Бұл кештің басты кейіпкері жақында толыққанды чемпион атанған Саламат Исбулаев болады.

Исбулаев бастапқыда Қырғызстандық Нұржан Рустамовпен, яғни дивизионның қазіргі чемпионымен жұдырықтасуы керек болатын. Алайда, Рустамов жекпе-жектен бас тартып, титулды автоматты түрде Исбулаевқа берді.

6-0 мінсіз рекорды бар Саламат Исбулаев жақында Орынбордан Ақтөбеге көшіп, қазір әйгілі “Еркін Күш” жекпе-жек клубында жаттығуда. Ол Ресей мен Еуропаның чемпионы, IMMAF жеңіл салмақтағы әлемнің вице-чемпионы, сондай-ақ 2019 жылы әуесқой ММА-да әлемнің үздік күрескері ретінде танылған.

Сонымен қатар, 2015 жылы Орынбор Кубогында Исбулаев UFC-тің бұрынғы жауынгері Дамир Исмагуловты жеңген болатын.

Турнирді ұйымдастырушылар Исбулаевпен титул үшін кездесетін жаңа қарсыластың есімін әлі жарияламады. Жанкүйерлер алдағы жекпе-жектің тартысты өтетініне сенімді.