«Ақтөбе» бас бапкерлікке үміткерден бас тартты

«Ақтөбе» футбол клубы Өзбекстан құрамасының қазіргі жаттықтырушысы Тимур Кападзені бас бапкер қызметіне шақырған, бірақ маман бұл ұсыныстан бас тартты, деп хабарлайды Upl.uz.

Кападзе 2012-2014 жылдары «Ақтөбе» сапында ойыншы ретінде 69 матч өткізіп, 10 гол соғып, 11 нәтижелі пас берген. Ол командамен бірге:
– 2012 жылы чемпионаттың қола жүлдегері атанды;
– 2013 жылы чемпион болды;
– 2014 жылы күміс медаль мен Суперкубокты жеңіп алды.

Кападзе ұсыныстан бас тартуының себебі — оның қазіргі уақытта Өзбекстанның олимпиадалық құрамасымен жұмыс істеп жатқаны.

Айта кетейік, «Ақтөбе» қазіргі кезде Қазақстан чемпионатының турнирлік кестесінде тоғызыншы орында тұр.