Ақтаудың «Каспийі» Түркияда Қырғызстан чемпионынан жеңілді

Клуб баспасөз қызметінің хабарлауынша, Түркияның Белек қаласындағы оқу-жаттығу жиыны аясында «Каспий» футбол клубы Бішкектің «Дордой» командасымен жолдастық кездесу өткізді.

Тартысты ойында қырғызстандық клуб жеңіске жетті, матч 1:0 есебімен аяқталды. Ақтау командасы (өткен маусымның Бірінші лигасының қола жүлдегері) алаңға келесі құраммен шықты:

• Мұханов
• Алишаускас
• Қадырбаев
• Әріпов
• Таипов
• А. Серікбай
• Шамши
• Қоспаев
• Қабылан
• М. Серікбай
• Тұрлыбек

Қосалқы ойыншылар орындығында: Аязбаев; Құрбанов; Жұмабай; Тұзақбаев; Құлахметов; Бекешов; Арменов; Қалдыбай; Мәуленов.

Айта кету керек, Бішкек клубы өз елінің рекордшысы болып табылады. Оның еншісінде 10 чемпиондық атақ 10 Кубок жеңісі және Қырғызстанның 6 Суперкубогы бар.