АҚШ-та бір миллион доллар жүлде қоры бар ESL One Dota 2 турнирі өтеді

Америкалық Роли қаласында 7-13 сәуір аралығында өтетін ауқымды ESL One Dota 2 турниріне PARIVISION, BetBoom Team және Team Spirit қоса 12 команда қатысады.

Ұйымдастырушылар қатысушыларды алты командадан екі топқа бөлді.  Ұжымдар best-of-2 форматында шеңберлік кездесулер өткізеді. Әр топтан екі үздік команда плей-офф жоғарғы тобына, үшінші және төртінші орын иегерлері төменгі тобына өтеді.

Турнирдің жүлде қоры бір миллион доллар және 28 920 EPT ұпайын құрайды.

• Жеңімпаз $250 мың, 6,4 мың EPT ұпай және клубқа $40 мың алады
• Күміс жүлдегер $130 мың, 4,8 мың EPT ұпай және клубқа $35 мың иеленеді
• Қола жүлдегер $100 мың, 4 мың EPT ұпай және клубқа $27,5 мың алады

Плей-офф кездесулері екі жеңіске дейін, ал финалдық серия үш жеңіске дейін өтеді. Топ жеңімпаздары қосымша 640 EPT ұпайдан алады.