АҚШ пен Қытай арасындағы сауда соғысы NASCAR модельдерінің өндірісіне соққы берді

NASCAR.com мәліметінше, АҚШ пен Қытай арасындағы тарифтік соғыс NASCAR коллекциялық модельдер индустриясына айтарлықтай әсер етті — жарыс көліктерінің масштабты көшірмелерін эксклюзивті өндіруші Lionel Racing компаниясы алдын ала тапсырыстарды тоқтату туралы жариялады.

2013 жылдан бері NASCAR модельдерін өндіру құқығына ие компания бұған дейін өз өнімдерінің бағасын көтерген — 1:24 масштабтағы модельдердің құны 18%-ға, ал Elite нұсқаларының бағасы 29%-ға өсті.

Өндірушінің сайтында Бристоль мен Талладегадағы соңғы жарыстардың жеңімпаздар модельдері жоқ — соңғы қолжетімді жаңалық Денни Хэмлиннің Дарлингтондағы жеңісінен кейінгі көлігінің көшірмесі.

«Соңғы апталарда алдын ала тапсырыстардың тоқтатылғанын көпшілік байқағанын білеміз. Бұл тарифтік жағдай тұрақтанғанға дейінгі уақытша шара. Біз жарыс командаларымен жұмыс істеуді, фотосуреттер алуды және макеттер дайындауды жалғастырудамыз, бірақ жаңа алдын ала тапсырыстар мен фабрикадан жөнелту уақытша тоқтатылды», — делінген компания мәлімдемесінде.