«Акрон» РПЛ матчында «Ахматты» өз алаңында жеңді

Тольяттидің «Акроны» Ресей Премьер-лигасының 28-ші тур аясындағы өз алаңындағы матчта Грозныйдың «Ахматын» жеңді — кездесу 3:2 есебімен аяқталды.

Матчта алғашқы голды 8-ші минутта Амин Талал салды, алайда үй иелері 17-ші минутта Дмитрий Пестряковтың голымен жауап қайтарды. Үзіліс алдында Ифет Джаковац «Акронды» алға шығарды. Екінші таймда Георгий Мелкадзе есепті теңестірді, бірақ 85-ші минутта Владимир Хубулов соңғы нәтижені белгіледі.

Қазақстандық шабуылшы Максим Самородов қонақтардың бастапқы құрамында шықты — футболшы 72-ші минутта гол пасын берді және бір минуттан кейін ауыстырылды.

Осы жеңістен кейін «Акрон» 35 ұпаймен турнир кестесінде тоғызыншы орынға көтерілді, ал «Ахмат» 24 ұпаймен 13-ші орында тұр.