Ақниет Әлімбай кәсіпқой рингтегі алғашқы жеңілісіне ұшырады

Астанада өткен бокс кешінде қазақстандық боксшы Ақниет Әлімбай (2-0, 1 КО) үшінші жекпе-жегін өткізіп, алғаш рет жеңіліс дәмін татты. 69 келі салмақтағы кездесуде ол чехиялық Йозеф Дубскимен төрт раунд бойы айқасты.

Тартысқа толы жекпе-жекте екі боксшы да белсенділік танытты. Алайда, төрешілердің бірауыздан шығарған шешімі бойынша жеңіс қарсыласына бұйырды. Осылайша, Ақниет Әлімбай кәсіпқой мансабындағы алғашқы жеңілісін тіркеді.