«Ак Барс» КХЛ тұрақты чемпионатында «Автомобилистті» жеңді

Sportbox.ru хабарлауынша, қазандық «Ак Барс» КХЛ тұрақты чемпионатының матчында екатеринбургтік «Автомобилистті» 3:1 есебімен жеңді.

Матчтың басты кейіпкері Александр Барабанов болды, қазандық шабуылшы дубль жасады. Қонақтар қақпасына тағы бір шайбаны Никита Лямкин салса, «Автомобилист» атынан жалғыз голды Ник Меркли соқты.

Шығыс конференциясының турнирлік кестесінде екатеринбургтік клуб 81 ұпаймен үшінші орында тұр, ал қазандық команда төртінші орында — «Ак Барста» 80 ұпай бар. Кестені 31 ұпай жинаған астаналық «Барыс» түйіндейді.