Ағылшын футбол клубы Моркам жойылу қаупінде

«Моркам» футбол клубы жойылу қаупінде тұр — бұл туралы BBC Radio Lancashire хабарлайды. Ұлттық лигаға түскен клуб күрделі қаржылық қиындықтарға тап болды.

Клуб иесі Джейсон Уиттингем Bond Group арқылы команданы сату мәмілесін аяқтай алмай отыр. Екі әлеуетті сатып алушы — Panjab Warriors консорциумы және Джонни Като басқаратын топ — сатып алуға мақұлдау алды, бірақ процесс созылып кетті.

Жағдайды ойыншылар мен қызметкерлердің соңғы жалақысының тек үштен бірін алуы қиындатып отыр. Бас бапкер Дерек Адамс растағандай — команда қаржылық қиындықтарға қарамастан жаттығуын жалғастыруда.

«Осындай қиын кезеңде ойыншылардың кәсібилігі керемет болды. Біз бәріміз жағдайдың Моркам футбол клубының мүддесіне сай шешілгенін қалаймыз», — деді Адамс.

Екі аптадан кейін «Моркам» Ұлттық лигадағы маусымды «Бостон Юнайтед» қарсы ойынмен бастауы керек. Алайда 105 жылдық клубтың болашағы үлкен сұрақ астында қалып отыр.