Әлишер Ерғали Загребтегі әлем чемпионатында жеңіліп қалды

Загребте (Хорватия) өтіп жатқан еркін күрестен әлем чемпионатында Қазақстан балуаны Әлишер Ерғали (125 кг) алғашқы белдесуінде болгар спортшысы, Еуропа-2024-тің қола жүлдегері Ален Хубуловқа жол берді — 6:10.

Белдесу барысында Ерғали есеп айырмасын екі ұпайға дейін қысқартқанымен, аяққа өту кезінде кеткен қателік нәтижеге әсер етті.

Қазақстандық балуан жұбаныш белдесуіне тек Хубулов финалға шыққан жағдайда ғана қатыса алады.