Әли Әлиев Бақтиер Зайнутдиновтың жағдайын түсіндірді

Қазақстан құрамасының бас бапкері Әли Әлиев әлем чемпионаты–2026 іріктеуіндегі Уэльс пен Бельгияға қарсы матчтар қарсаңында Бақтиер Зайнутдиновтың неге ойнамайтынын айтты. Оның сөзінше, жартылай қорғаушыда ауыр жарақат жоқ, бірақ ұзақ үзілістен кейін матчқа толық дайындық деңгейіне жетпеген.

«Бақтиер бізге талай қиын сәтте көмектесті, гол соқты, үздік бомбардирге айналды. Қазір оны бәріміз қолдауымыз керек. Ол бір аяғымен болса да алаңға шығуға дайын, бірақ бұлшықеттері ауыр жүктемеге әзір емес. Испан фитнес-бапкері жасаған қысқа дайындық циклі (микроцикл) керек. Соны толық өткесін ойнай алады. Ол жарақаттан емес, дайындықтың жетіспеуінен тыс қалды. ЦСКА-ға қарсы 45 минуттан кейін бұлшықетінде спазмдар болды. 6–7 ай бойы тек ойнамай ғана қоймай, жаттығу да жасай алмаған кезең болды», — деді Әлиев.

Зайнутдинов орта шеннен бері ресми ойынға шыққан жоқ. Бапкер футболшыны «прайм-жаста» деп атап, уақытында құрамға қайта көмектесетініне сенім білдірді.

Қазақстан құрамасы 4 қыркүйекте Астанада Уэльсті қабылдайды, ал 7 қыркүйекте Брюссельде Бельгиямен сырт алаңда ойнайды.