Әлем чемпионы Балкибекова Олимпиада жолдамасы үшін Қызайбаймен күресуге дайын

Әлем чемпионы Алуа Балкибекова «Sport+» YouTube-арнасына берген сұхбатында Лос-Анджелес Олимпиадасында Қазақстанды білдіру құқығы үшін Назым Қызайбаймен спарринг өткізуге дайын екенін айтты.

«Бізде онымен бір мақсат бар, жас та келіп қалды. Ойлаймын, ол да жол бермейді, мен де жол бермеймін», — деді Балкибекова.

Олимпиадалық бокс World Boxing қарамағына өткеннен кейін — екі спортшы да бұрын әр түрлі дивизионда өнер көрсеткенімен, қазір 50 келіге дейінгі бір салмақ дәрежесінде қалды.

Назым Қызайбай — Париж Олимпиадасының қола жүлдегері және үш дүркін әлем чемпионы, ал Алуа Балкибекова — әлем чемпионы және Азия чемпионатының екі дүркін жеңімпазы.