Адемола Лукман Гасперинидің сынына жауап берді

BBC Sport мәліметінше, «Аталантаның» шабуылшысы Адемола Лукман бас бапкер Джан Пьеро Гасперинидің оны «ең нашар пенальти орындаушыларының бірі» деп атаған пікіріне қарсы жауап қатты.

«Брюггемен» болған ойында (18 ақпан) Лукман алаңға шыққаннан 34 секундтан кейін гол соқты, бірақ пенальтиден мүлт кетіп, командасының Чемпиондар лигасынан шығуына себепкер болды.

«Осылай ерекшелеп мені көрсету ауыр ғана емес, сонымен қатар құрметсіздік болып көрінеді – әсіресе мен клуб пен Бергамо жанкүйерлеріне жеңіс сыйлау үшін күн сайын барымды салатынымды ескерсек», – деп жазды ол әлеуметтік желілерде.

Гасперини матч алдында пенальтиді Матео Ретеги немесе Шарль Де Кетеларе орындауы керек еді деп мәлімдеді.

Қызығы, Лукман осыған дейін «Аталанта» үшін барлық пенальтиін (4/4) сәтті орындаған, ал жалпы мансабында 6 пенальтидің 4-еуін голға айналдырған.

27 жастағы шабуылшы ағымдағы маусымда 15 гол соқты. Дегенмен, «Аталанта» қос матч қорытындысы бойынша «Брюггеге» 2:5 есебімен жеңіліп, 1/8 финалда жарысты аяқтады.