Абель тағы бір қазақты чемпион қыла алады ма?

Геннадий Головкинді тоғыз жыл баптаған атақты америкалық маман Абель Санчес Қазақстандық кәсіпқой боксшы Садриддин Ахметовтың толыққанды жеке бапкері атанды.

Санчестің айтуынша, ол Ахметов үшін бапкерлік мансабын қайта жандандырған. Танымал бапкердің айтуынша, Садриддиннің әлеуеті зор, ал жаттығу барысына деген қарқыны мен тәртібі жоғары деңгейде.

Айта кетейік, Садриддин Ахметов 19 сәуір күні мексикалық Элиас Эспадаспен жекпе-жек өткізеді. Бұл жекпе-жек АҚШ-та өтеді деп жоспарланып отыр.