Абат Аймбетовтың агенті соңғы матчтарда футболшының не үшін алаңға шықпай жүргенін айтты

SPORT+ берген мәліметтерге сәйкес, қазақстандық шабуылшы Абат Аймбетовтың агенті Траян Гергишан оның «Адана Демирспор» клубының соңғы матчтарына қатыспауын түсіндірді. Румын агентінің айтуынша, Аймбетов жарақат алып, қазір оңалту курсынан өтуде. Гергишан клубтың қалпына келтіру процесін асықтырмайтынын және футболшының біртіндеп сауығып келе жатқанын атап өтті.

Агенттің айтуынша, «Адана Демирспор» бас бапкері Аймбетовтың команда үшін әлі де маңызды ойыншы екенін растап отыр. Бұл қазақстандық шабуылшының клубтың болашақ жоспарларында елеулі рөл атқаратынын көрсетеді.

Айта кету керек, Траян Гергишан 2024 жылғы қысқы трансферлік терезесінде Абат Аймбетовтың түрік клубына ауысуына маңызды ықпал еткен тұлға болды.