«Қызылжар» сербиялық ойыншымен келісімшартқа отырды

Петропавлдың «Қызылжар» командасы 30 жастағы сербиялық жартылай қорғаушы Неделько Пищевичпен келісімшартқа отырды, деп хабарлайды Prosports.kz сайты клубтың баспасөз қызметіне сілтеме жасап.

Тараптар арасындағы келісімшарт бір жылға жасалды.

2024 жылдан бастап Пищевич Черногорияның «Будучност» командасында ойнады, онда ол барлық жарыстарда 31 матчқа қатысып, екі гол соғып, екі нәтижелі пас берді.

Клубтық мансабында ол 332 матчқа қатысып, 27 гол соғып, 18 нәтижелі пас берді.