Швецияда жанкүйерлер алаң мен қақпа торын өртеп жіберді

Швеция чемпионатының «Норрчепинг» пен «Эргрюте» командалары арасындағы матчы алаңға лақтырылған заттарға байланысты бірнеше рет тоқтаталды, деп хабарлайды Prosports.kz.

Швецияның жоғарғы лигасының плей-оффының екінші матчында командалар 0-0 есебімен тең түсті. «Эргрюте» бірінші ойында 3-0 есебімен ұтқан еді

85-ші минутта пиротехникалық заттардың лақтырылуынан алаң өртеніп кетті. Стадионнан түсірілген кадрларда жасанды шөп те, қақпалардың бірінің торы да жалынға оранған.

Ұзақ үзілістен кейін матч қайта жалғасты, бірақ ойын шамамен бір минутқа созылды, содан кейін алаңға тағы да заттар лақтырылды, ал матч қайтадан тоқтатылды.

Екі жарым сағат күткеннен кейін төреші бос қалған стадионда матчтың аяқталғанын білдіріп, ақтық ысқырығын шалды.