Станимир Стоилов ҚПЛ клубына келуі мүмкін

«Ақтөбе» командасының жаңа иесінің өкілдері Станимир Стоиловқа қызығушылық білдіруде, деп хабарлайды Prosports.kz.

Қазір болгариялық маман Түркияның «Гезтепе» командасында қызмет атқарады. Бұл клуб Түркя суперлигасында 13-турдан кейін бесінші орында келеді.

Станимир Стоилов қазақстандық жанкүйерлерге елордалық «Астана» командасында қызмет атқарған кезінен жақсы таныс. Оның басшылығымен команда Қазақстан Премьер-лигасында төрт жыл қатарынан чемпион атанса, Чемпиондар лигасына еліміздің атынан қатысқан алғашқы команда болды.