Қайрат қақпашысы Анарбековтың сейві еуропалық көрермендерді таңғалдыруда

Чемпиондар Лигасының ресми аккаунты алматылық «Қайрат» қақпашысы Темірлан Анарбековтың шеберлігіне тәнті болуда.

Қазақстандық қақпашының кипрлік «Пафосқа» қарсы үйдегі матчтағы әсерлі сейві — турнирдің үшінші турындағы жарқын сәттердің біріне айналды.

Қақпаны кез келген бағамен қорғау керек

Турнирдің ресми инстаграм-аккаунтында құтқару видеосы осылай түсіндірілді.

Ерекше назар аударарлық сәт — Анарбековтың «Пафостың» румындық жартылай қорғаушысы Влад Драгомирмен бетпе-бет шығуды қайтаруы, бұл эпизод УЕФА нұсқасы бойынша турдың үздік сейвтері жинағына енді.