Барселона спорт директоры кешіккен Ямальды қорғады

As мәліметінше, Ламин Ямаль Чемпиондар лигасындағы ПСЖ-мен ойын алдындағы жиналысқа кешіккені үшін жазадан құтылды — бас бапкер Ханс-Дитер Флик тәртіп бұзғанына қарамастан футболшыны негізгі құрамда ойнатты.

Спорт директоры Деку неміс маманын Ямальді қосалқы құрамда қалдырмау үшін араласуға мәжбүр болды.

«Ламиннің ойнауы үшін Деку араласуға мәжбүр болды. Фликке өз шешімінің қарсылыққа ұшырағаны ұнаған жоқ, өйткені ол жаза барлығына бірдей болуы керек деп санайды», — деді Cadena SER журналисі Ману Карреньо.

Бұл шешім команда киім ауыстыру бөлмесінде түсінбеушілік тудырды — бұған дейін осындай тәртіп бұзғаны үшін Жюль Кунде, Рафинья және Иняки Пенья жазаға тартылған болатын.