Түрік жанкүйерлері қазақстандық жартылай қорғаушыға қызығушылық танытты

«Галатасарай» клубының Galatasaray Günlükleri фан-аккаунты семейлік «Елімай» мен Қазақстан ұлттық құрамасының жартылай қорғаушысы — Ғалымжан Кенжебекке қызығушылық танытты.

«Ғалымжан Кенжебек — бақылауға тұрарлық жігіт. Оған 22 жас», — деп атап өтті түрік фан-аккаунтының өкілдері X әлеуметтік желісінде.

Ойыншыға деген назар 2026 жылғы әлем чемпионатының іріктеу турнирінде Қазақстан мен Лихтенштейн құрамалары арасындағы матчтан кейін туындады — қазақстандық команда 4:0 есебімен сенімді жеңіске жетті.

Бұл кездесуде Кенжебек тамаша ойын көрсетті — жартылай қорғаушы алыстан соққымен қарсыластар қақпасына екі рет гол соғып, бір голдық пас берді.