Лестер әйелдер командасына жаңа бас бапкер тағайындады

«Лестер Сити» әйелдер командасы Рик Пассмурды бас бапкер етіп тағайындағанын жариялады — деп хабарлайды клубтың ресми сайты. Маманмен үш жылдық келісімшартқа қол қойылды.

«Бұл клубта жұмыс істеу мен үшін үлкен мәртебе — біз дамуды жалғастырып, Әйелдер суперлигасындағы позициямызды нығайтқымыз келеді», — деді Пассмур.

Маман қыркүйек айының басынан бері Амандин Микельдің кетуінен кейін уақытша бапкер міндетін атқарып келді. Оның жетекшілігімен команда чемпионаттағы бес ойында төрт ұпай жинап, турнир кестесінде оныншы орынды иеленіп отыр.

«Лестерге» келгенге дейін Пассмур «Вест Хэмде» бас бапкердің көмекшісі болып жұмыс істеген, сондай-ақ «Ноттс Каунти» мен «Лидс Юнайтедті» басқарған.