Соболенко Уханьдағы WTA 1000 турнирінің ширек финалында Рыбакинаны жеңді

Уханьдағы (Қытай) WTA 1000 турнирінің ширек финалында әлемдік рейтингте тоғызыншы орын алатын Елена Рыбакина Беларусьтің бірінші ракеткасы Арина Соболенкоға жол берді.

Белорус теннисшісі екі сетте сенімді жеңіске жетті — матч есебі 6:3, 6:3 болды. Корттағы тартыс 1 сағат 25 минутқа созылды.

Жартылай финалда Арина Соболенко АҚШ-тың алтыншы ракеткасы Джессика Пегуламен кездеседі. Атап өтерлігі, белорус спортшысы Ухань турнирінің үш мәрте қолданыстағы чемпионы болып табылады.

Жарыстың жүлде қоры 3 654 963 долларды құрайды — жеңімпаз 596 000 доллар мен 1000 рейтингтік ұпай алады.