Дмитрий Попко АҚШ-тағы турнирдің екінші айналымына өтті

Қазақстандық теннисші Дмитрий Попко (ATP рейтингінде 214-орында) АҚШ-тың Фэрфилд қаласында өтіп жатқан «челленджер» турнирін жеңіспен бастады, деп хабарлайды Prosports.kz.

Бірінші айналымда Попко германиялық Макс Вискандтпен (443-орын) кездесіп, оны 6-3, 7-5 есебімен жеңді.

Кездесу 1 сағат 15 минутқа созылды.

Қазақстандықтың келесі қарсыласы америкалық теннисші Даниэль Милавски (435-орын) болады.