Рыбакина Уханьдағы беделді турнирде алғашқы ойынын өткізеді

WTA рейтингінде тоғызыншы орынды иеленіп отырған Елена Рыбакина Қытайдың Ухань қаласындағы турнирге қатысуға дайындалуда — деп хабарлайды WTA.

Қазақстандық теннисші екінші айналымнан бастап өнер көрсетеді, онда әлемдік рейтингте 48-ші орында тұрған румыниялық Жаклин Кристианмен кездеседі. Матч 8 қазан күні Қазақстан уақыты бойынша 17:30-да өтеді.

Румыниялық теннисші бұл турнирде бір ойын өткізіп үлгерді — бірінші айналымда ол америкалық Маккартни Кесслерді 6:7, 6:0, 6:3 есебімен жеңді.

Уханьдағы турнирдің жүлде қоры 3,65 миллион долларды құрайды — жеңімпаз 596 мың доллар мен мың рейтингтік ұпай алады.