Родриго Барселонаның басымдылығын мойындап, Бернабеудегі матч алдында пікір білдірді

Мадридтік «Реалдың» қанатшабуылшысы Родриго Гоэс «Барселонамен» өтетін алдағы матч туралы пікірін білдірді, деп хабарлайды As.

Маусымның алғашқы Эль Класикосы қарсаңында — мадридтік футболшы өткен маусымда «Реалды» төрт рет жеңген каталон клубының басымдылығын мойындады.

«Өткен маусымды ұмытқан дұрыс. Біз жақсы ойын көрсете алмағанымызды білеміз, әсіресе класикода. Оларға қарсы ойнау бізге ыңғайсыз болды. Олардың қазір жақсы ойнап жатқанын, командалары өзіне сенімді екенін мойындау керек», — деді Родриго.

Бразилиялық шабуылшы 26 қазанда Ла Лига аясында өтетін «Сантьяго Бернабеудегі» үй матчының маңыздылығын атап өтті.

«Реалмен келісімшартқа отырған әрбір адам Чемпиондар Лигасында жеңіске жетуді және Барсаға шешуші гол соғуды армандайды. Мен де соны үміт етемін», — деп қосты футболшы.