Sprint Car аңызы Бобби Аллен өмірден озды

Өткен жексенбіде Бобби «Скраффи» Аллен — 1978 жылы құрылған World of Outlaws жарыс сериясының негізін қалаушылардың бірі 82 жасында дүниеден өтті.

Өзінің ұқыпсыз келбеті үшін «Скраффи» атанған аңызға айналған жарысшы Sprint Car-да көптеген жеңістерге жетті: әртүрлі жарыстарда 75 жеңіс, оның ішінде World of Outlaws-та 30 және All Star Circuit of Champions-та 46 жеңіс. 1990 жылы ол беделді Knoxville Nationals жарысында жеңіске жетті, ал он жыл бұрын Sprint Car аймақтық сериясының чемпионы атанды.

«Жүрегіміз қан жылап тұр, бірақ біз оның өмірін толық сүріп, көптеген адамдарға әсер еткенін білеміз. Онымен кездескен әрбір адам өзімен бірге оқиға мен күлкі алып кетті. Ол бәрін өзінше — скраффише жасады. Оны сүйіп, қатты сағынатын боламыз. Ол жарыс жолында да, одан тыс жерде де аңыз болды», — деп хабарлады Shark Racing командасы.

Майамиде дүниеге келіп, картингтен мансабын бастаған және Италия мен Багамада беделді жарыстарға қатысқан жарысшы — Shark Racing командасын құрды, ол әлі күнге дейін жұмыс істеп келеді. Команда сапында оның немересі Логан Шухарт пен Эштон Торгерсон өнер көрсетеді.