Минск «Динамо» бапкері Квартальнов КХЛ-дің тарихи рекордын орнатты

КХЛ баспасөз қызметінің хабарлауынша, Дмитрий Квартальнов Континентальды хоккей лигасында бас бапкер ретінде тарихи межеге — 600 жеңіске қол жеткізді.

Минск «Динамосын» басқаратын 59 жастағы маман FONBET КХЛ тұрақты чемпионатының ойынында рекорд орнатты — оның шәкірттері «Тракторды» 4:1 есебімен жеңді.

Лиганың ең табысты бапкерлері тізімінде Квартальнов жақын қуғыншыларынан айтарлықтай алда тұр:

• Игорь Никитин — 466 жеңіс
• Олег Знарок — 440 жеңіс
• Зинетула Билялетдинов — 437 жеңіс
• Алексей Кудашов және Владимир Крикунов — 378 жеңістен

КХЛ-дегі бапкерлік мансабында Квартальнов «Северсталь», «Сибирь», ЦСКА, «Локомотив», «Ак Барс» командаларын басқарды, қазір минск «Динамосының» бас бапкері қызметін атқаруда.