Бокстан ересектер арасындағы Азия чемпионаты 2026 жылдың басында өтетін болды

Asian Boxing ұйымы алдағы Азия чемпионаттарының уақыты бойынша ақпаратты жариялады.

Қазақстан бокс федерациясының хабарлауынша, ерлер мен әйелдер арасындағы сары құрлықтың додасы 2026 жылы 29 қаңтар мен 9 ақпан аралығында өтеді. Нақты өтетін орны алдағы уақытта анықталады.

Ал U17 мен U15 жастағы боксшылар 10-24 сәуір аралығында бас қосса, U23 пен U19 санатындағы спортшылардың бәсекесі 3-16 шілдеге жоспарланған. Барлығының өтетін орны кейінірек бекітіледі.