Уэйн Руни Манчестер Юнайтедтің проблемалары туралы қатаң сөйледі

Аңызға айналған бұрынғы шабуылшы Уэйн Руни «Манчестер Юнайтедтегі» қазіргі жағдайға қатысты үлкен алаңдаушылық білдірді, деп хабарлайды BBC.

Рубен Аморимнің жетекшілігімен команда көңіл көншітпейтін нәтиже көрсетуде — АПЛ-дің алты турынан кейін манкуниандықтар турнир кестесінде 14-орында тұр.

«Мен сенімділік ұялататын ештеңе көрмей тұрмын. Менің ойымша, түбегейлі өзгерістер қажет — бапкер немесе ойыншылар болсын», — деді Руни.

«Иелері — Глейзерлер немесе сэр Джим Рэтклифф — клубтың даму бағытын нақты белгілеуі керек. Қазір біз оның құлдырауын бақылап отырмыз. Клуб мәдениеті жоғалды — мен мұны қызметкерлердің жұмыстан шығарылуынан күн сайын көріп отырмын», — деп атап өтті бұрынғы шабуылшы.

Руни сондай-ақ қалыптасқан жағдай «Манчестер Юнайтед» академиясында жаттығып жүрген өз балаларына әсер етпейді деген үмітін білдірді.