ҚХЛ ТДК «Барыс» шабуылшысын спорттық емес мінез-құлқы үшін шеттетті

Championat.com хабарлауынша, ҚХЛ-дің Спорттық-тәртіптік комитеті минскілік «Динамо» мен «Барыс» арасындағы матч эпизоды бойынша шешім шығарды — қазақстандық команданың шабуылшысы Эмиль Галимов келесі ойынды өткізіп алады.

Комитет хоккейшіге қатысты бастапқы жазаны — ҚХЛ тәртіптік регламентінің 29-бабының 1.30-тармағын бұзғаны үшін бір матчқа шеттету мен ақшалай айыппұлды күшінде қалдырды.

Санкцияның себебі ойыншының қолайсыз мінез-құлқы — минскілік «Динамо» 1:0 есебімен овертаймда жеңіске жеткен матч барысында төреші немесе өзге тұлғаларға қатысты әдепсіз немесе қорлайтын ым-ишараларды қолдануы болды.