Әлемдік ралли чемпионатының кезеңі Сардиниядан Римге көшеді

WRC Promoter мәліметінше, әлемдік ралли чемпионатының Италиядағы кезеңінде елеулі өзгерістер күтілуде — 2027 жылдан бастап жарыс Сардиния аралынан Римге көшіріледі.

Сардинияның қиыршық тас жолдарындағы соңғы кезең келесі жылдың қазан айында өтеді, содан кейін жарыс Лацио аймағының асфальт жолдарына көшеді — мұнда жарыскерлер кем дегенде 2030 жылға дейін бақ сынайды.

«Бұл келісім Италиядағы жоғары деңгейлі раллиді дамытудың ең жақсы жолы деп сенеміз», — деді WRC Promoter іс-шаралар жөніндегі директоры Саймон Ларкин.

Сардиния 2009 жылды қоспағанда, 2004 жылдан бері WRC кезеңдерін қабылдап келді. Ал Рим 2017 жылдан бері атақты Колизей бойымен өтетін жарысты қоса алғанда, еуропалық ралли чемпионатының кезеңін өткізіп келеді.

«Бұл италиялық ралли үшін іргелі қадам. Біз чемпионаттың тұрақтылығын қамтамасыз ететін бес жылдық келісімшартқа қол қойғанымызды мақтан тұтамыз», — деп атап өтті ACI-дің төтенше комиссары, генерал Туллио Дель Сетте.