«Қайраттың» матчы Чемпиондар лигасындағы «Реалмен» ойыны үшін кейінге қалдырылды

Қазақстан Премьер-Лигасының 24-ші тур аясындағы «Қайрат» пен «Жетісу» арасындағы матч 28 қыркүйектен 5 қазанға ауыстырылды.

Ойынның кейінге қалдырылуы алматылық клубтың Чемпиондар Лигасының топтық кезеңіне қатысуымен байланысты — 30 қыркүйекте «Қайрат» өз алаңында мадридтік «Реалды» қабылдайды.

Қазақстан чемпионатының турнирлік кестесіндегі жағдай келесідей:

• «Қайрат» — 52 ұпай (23 матч)
• «Астана» — 50 ұпай (23 матч)
• «Тобыл» — 44 ұпай (22 матч)

Кеше алматылық клуб ҚПЛ-дің сегізінші турынан кейінге қалдырылған матчта «Женісті» 3:1 есебімен жеңді.