Физиев Оливейрамен жекпе-жекке шыға алмайтынын растады

Қазақстаннан шыққан әзербайжандық UFC файтері Рафаэль Физиев Чарльз Оливейраға қарсы айқасқа шыға алмауына қатысты пікір білдірді, деп хабарлайды Prosports.kz.

Олардың жекпе-жегі 12 қазанда Рио-де-Жанейрода өтетін турнирде болуы керек еді, алайда Физиев жарақатына байланысты қатыса алмай қалды. Ол әлеуметтік желілерде көңілсіз смайлик жариялап, кардтан кеткенін растады.

Физиевтің ММА-дегі көрсеткіші – 17 жекпе-жек, оның ішінде 13 жеңіс. Қазіргі таңда ол UFC-дің жеңіл салмақ рейтингінде 10-орында тұр.