Тоқаев Головкинге бокстың олимпиадалық бағдарламаға оралғаны үшін алғыс айтты

Туризм және спорт министрлігінің баспасөз қызметінің хабарлауынша, Қазақстан Президенті Қасым-Жомарт Тоқаев бокстың олимпиадалық бағдарламаға қайта оралуына көмектескені үшін Геннадий Головкинге алғысын білдірді.

Әлемдік жарыстарда ел намысын қорғау — үлкен мәртебе және зор жауапкершілік. Сіздердің жеңістеріңіз жастардың спортқа деген қызығушылығын арттырады. Біздің спортшылар ұлт денсаулығын нығайтуға үлес қосып жатыр деуге болады, — деді Президент.

Чемпион болу — елдің абыройын асқақтату деген сөз. Спортшылардың даңқы — бүкіл халықтың даңқы. Олардың беделі — мемлекеттің беделі, — деп атап өтті мемлекет басшысы.

Қасым-Жомарт Тоқаев алдағы Лос-Анджелестегі Олимпиада ойындарына дайындықтың маңыздылығына назар аударды — жоғары нәтижелерге қол жеткізу үшін спортшылар қазірден бастап жаттығуды бастауы қажет.