Де Брюйне «Наполи» құрамында «Этихадқа» оралады

BBC Sport хабарлауынша, Кевин Де Брюйне «Манчестер Ситидің» тарихына қосқан үлесі үшін мүсіні орнатылатын «Этихад» стадионына эмоционалды оралуға дайындалуда.

Клубта он жыл өткізген 34 жастағы бельгиялық футболшы жазда «қалалықтардан» кетіп — енді «Наполидің» амбициялық жоспарларының негізгі тұлғасына айналды. Оның итальян клубына келуін жергілікті журналистер аңызға айналған Диего Марадонаның трансферімен салыстырып жатыр.

«Марадона заманынан бері «Наполи» Де Брюйне сияқты танымал ойыншыны қатарына қоспаған еді», — деді неапольдік журналист Винченцо Кредендино.

«Наполи» капитаны Джованни Ди Лоренцо жаңа ойыншының қарапайымдылығын атап өтті: «Ұлы чемпион бола тұра, ол бізге үлкен кішіпейілділікпен келді».

Антонио Контенің жетекшілігімен «Наполи» әсерлі нәтижелер көрсетуде — команда үш турдан кейін мінсіз көрсеткішпен Серия А-да көш бастап келеді. Де Брюйне жаңа клубы үшін алғашқы ойындарда екі гол соғып үлгерді.

Пеп Гвардиола өзінің бұрынғы шәкіртіне деген жылы сезімін білдірді: «Оны қайта көру жақсы болады. Мұндай деңгейдегі ойыншыларға бейімделуге көп уақыт қажет емес».