Әлем чемпионы Умтити карьерасын аяқтады

Франция құрамасының бұрынғы ойыншысы, «Барселонаның» экс-футболшысы Самуэль Умтити 31 жасында карьерасын аяқтағанын жариялады, деп хабарлайды Prosports.kz.

Ол каталониялық клуб сапында жеті жыл (2016–2023) өнер көрсетіп, командаға екі рет Ла Лига чемпионы атануға және үш мәрте Испания кубогын жеңіп алуға көмектесті. 2018 жылы Умтити Ресейдегі әлем чемпионатында Франция құрамасымен бірге алтын медаль иеленді.

Соңғы уақытта ойыншыны тізе жарақаты мазалап жүрді. Осыған байланысты өткен маусымда ол Францияның «Лилль» клубы құрамында небәрі 13 матч өткізді.