МЮ-дің бұрынғы бапкері Амуримнің шешімдерін сынға алды

«Манчестер Юнайтедтің» бұрынғы бапкері Рене Мёленстен клуб басшылығын Рубен Амуримді бас бапкер қызметінде қалдырғаны үшін сынға алды — бұл туралы ол BBC Radio 5 Live Breakfast-ке берген сұхбатында мәлімдеді.

«Бұл жұмыс істемейді және ұзақ уақыттан бері жұмыс істемей келеді. Олардың осынша ұзақ жалғастыруы мені таң қалдырады. Үнемі бір сөзді естисің — тозған пластинка сияқты», — деді Мёленстен.

Маман сондай-ақ жуырда өткен «Манчестер Сити» қарсы дербиде Кобби Майнуды бастапқы құрамға шығармау туралы шешімді сынға алды. Оның пікірінше, жас жартылай қорғаушы орталық алаңда Казимироға қарағанда көбірек пайда әкелуі мүмкін еді.

«Майну жартылай қорғаныста көп қуат береді, бірақ Амурим Казимироны қоюды жөн көреді. Оның орталық алаңдағы осындай аймақты жабатын мүмкіндіктері енді жоқ», — деп атап өтті бұрынғы бапкер.