Ағылшын шабуылшысы MLS-тің үздік сұрмергені бәсекесінде Мессиден алда

«Нэшвилл» шабуылшысы Сэм Сарридж MLS-тің үздік сұрмергені бәсекесінде көш бастап тұр — ағылшын футболшының еншісінде 21 гол бар. Оның басты қарсыласы «Интер Майамидің» шабуылшысы Лионель Месси екі голға артта қалып отыр.

Тұрақты маусымның аяқталуына «Нэшвиллдің» төрт ойыны қалса, «Интер Майамиде» екі есе көп кездесу бар. Үздік сұрмерген атағы үшін күреске LAFC шабуылшысы Дени Буанга да араласуы мүмкін, оның еншісінде 18 гол бар.

Сарридждің MLS-тің үздік сұрмергені бәсекесінде көш бастауы оңай болған жоқ — футболшы мансабын «Борнмутта» бастап, кейін ағылшын төменгі дивизион клубтарында өнер көрсетті. 27 жастағы шабуылшы АҚШ-қа 2023 жылы «Ноттингем Форесттен» 5 миллион фунтқа ауысты.

«Екінші лигада ересек ойыншыларға қарсы ойнағанда, 19-20 жаста жаңбыр астында жеңіс үшін күресу — шынықтырады. Бұл тәжірибе маған қазір көмектесуде», — деді Сарридж.

Сұрмергендер бәсекесінде жеңіске жетсе, Сарридж MLS-тің үздік сұрмергені атанған Брэдли Райт-Филлипстен кейінгі екінші ағылшын болады. Райт-Филлипс бұл жетістікке 2014 және 2016 жылдары «Нью-Йорк Ред Буллз» сапында қол жеткізген.