Тиаго Алькантара Барселона бапкерлер құрамына оралды

«Барселонаның» ресми сайтының хабарлауынша, Тиаго Алькантара каталон клубының бапкерлер штабына қосылды.

34 жастағы маман — «Барселонаның» тәрбиеленушісі, сондай-ақ «Бавария» мен «Ливерпульде» ойнаған — Ханси Фликтің командасына бас бапкердің көмекшісі ретінде қосылды.

Жаңа қызметінде Алькантара команданың тактикалық дайындығы мен жаттығу процесін жоспарлауға назар аударады. Испания құрамасының бұрынғы ойыншысы жаттығу алаңындағы өз міндеттерін атқаруға кірісіп кетті.

Айта кетейік, Алькантара үшін бұл «Барселонаның» бапкерлер штабындағы екінші тағайындалуы — бұған дейін ол өткен жылдың шілде-тамыз айларында Фликтің жетекшілігімен командамен жұмыс істеген болатын.