Холанд Молдоваға қарсы ойында пента-трик жасап, Норвегия жеңіске жетті

Норвегия құрамасы ӘЧ-2026 іріктеу турнирінің үйдегі ойынында керемет нәтиже көрсетті — команда Молдова құрамасын 10:1 есебімен ойсырата жеңді.

Эрлинг Холанд Ослодағы кездесудің басты кейіпкері атанды — шабуылшы 11-ші, 36-шы, 43-ші, 52-ші және 83-ші минуттарда гол соғып, пента-трик жасады. Тело Осгор 67-ші, 76-шы, 78-ші минуттарда және қосымша уақытта төрт гол соқты. Феликс Мюре мен Мартин Эдегор бір-бір голдан қосты.

Норвегия құрамасы бес ойында максималды 15 ұпай жинап, I тобында сенімді түрде көш бастап келеді. Молдова командасы бес кездесуде бір де бір ұпай жинай алмай, турнир кестесінің соңында тұр.