Назым Қызайбай әлем чемпионатын жеңіспен бастады

Англияның Ливерпуль қаласында World Boxing ұйымы өткізіп жатқан әлем чемпионатында қазақстандық боксшы Назым Қызайбай (48 кг) алғашқы жекпе-жегінде жеңіске жетті, деп хабарлайды  Sport-pulse.kz.

1/16 финалда ол венгриялық Лилла Селечкимен жұдырықтасып, кездесудің алғашқы минуттарынан-ақ бастаманы өз қолына алып, қарсыласына мүмкіндік бермеді. Қызайбай келесі кезең — 1/8 финалға жолдама алды.

Айта кетейік, Назым Қызайбай — Қазақстан тарихында әйелдер арасында алғашқы екі дүркін әлем чемпионы, сондай-ақ Париж Олимпиадасының қола жүлдегері.