McLaren Racing үш миллиард фунт рекордтық бағаға жетті

Sky News мәліметінше, McLaren Racing құны 3 миллиард фунт стерлингтен асты. Бахрейннің егемен қоры Mumtalakat және CYVN Holdings инвестициялық тобы — қазіргі McLaren Group иелері — жарыс бөлімшесіндегі үлестерін 30 пайызға арттыруды жоспарлап отыр.

Уокинг командасы үшін Формула-1-дің ағымдағы маусымы өте сәтті өтуде. Өткен жылы конструкторлар Кубогын жеңіп алғаннан кейін ұжым тағы бір қадам алға жасады — маусым аяқталуына 9 жарыс қалғанда McLaren 584 ұпаймен көш бастап келеді, Ferrari-ден 324 ұпайға алда.

Команда пилоттары — Оскар Пиастри мен Ландо Норрис — жеке есепте 309 және 275 ұпаймен көш бастап келеді. McLaren-нің биылғы маусымдағы жетістіктері:

• Гран-приде 12 жеңіс
• 25 подиум
• 9 поул
• Спринтте 1 жеңіс
• Спринтте 5 подиум
• Спринтте 1 поул

«Командаға сырттан қарасам, көп энергия, шекті шоғырлану және жетістікке жетудің керемет ұмтылысын көремін. Бірақ ең бастысы — біз Формула-1-дің бәсекеге толы әлемінде үздік болуға ұмтылуды жалғастыруымыз керек», — деді McLaren Racing бас директоры Зак Браун жазғы үзіліс алдындағы ашық хатында.