Александр Емельяненко алкогольге тәуелділігі туралы айтты

ММА шебері Александр Емельяненко Станислав Роженьковтың ютуб-арнасына берген сұхбатында алкогольге тәуелділікпен күресі туралы ашық айтты.

Спортшы жақында болған қауіпті жағдай туралы әңгімеледі — досы дер кезінде көмекке келіп үлгерген.

Жақында өліп қала жаздадым. Бәрі біткен шығар деп ойладым. Жақсы болғаны, досым келіп мені құтқарып қалды. Аузымнан көбік шығып, өліп жатыр едім. Мені тірілтіп, дәрі егіп, есімді жиғызды

Емельяненко сондай-ақ Санкт-Петербургте «Зенит» футбол клубының медициналық штабында емделгені туралы айтты. Оның айтуынша, көптеген спортшыларда ұқсас мәселелер болса да, ерекше назар тек оның жағдайына аударылған.