«Тобыл» Қазақстан кубогының финалына шықты

Астанада өткен Қазақстан кубогының жартылай финалындағы жауапты ойында жергілікті «Жеңіс» пен қостанайлық «Тобыл» 1:1 есебімен тең түсті.

65-минутта Исламбек Қуат алыстан соққы жасап, алаң иелерін алға шығарған еді. Алайда 87-минутта бұрыштама добынан кейін Егор Хвалько есепті теңестірді.

Алғашқы кездесуде «Тобыл» 2:1 есебімен басым түскен болатын. Қос ойынның қорытындысы бойынша (3:2) қостанайлық клуб финалға жолдама алды.

Шешуші матчта «Тобыл» шымкенттік «Ордабасымен» кездеседі.

Айта кетейік, Қазақстан кубогының финалдық ойыны тарихта алғаш рет Қызылорда қаласында өтеді.