Елена Рыбакина US Open турнирінің 1/8 финалына шықты

Қазақстандық теннисші Елена Рыбакина (WTA рейтингінде 10-орын) АҚШ ашық чемпионатында кезекті сенімді жеңіске қол жеткізді.

Үшінші айналымда Рыбакина 2021 жылғы турнирдің жеңімпазы, британдық Эмма Радуканумен (36-орын) кездесіп, екі сетте 6:1, 6:2 есебімен айқын басым түсті. Осылайша қазақстандық спортшы 1/8 финалға жолдама алды.

Енді Рыбакина Маркета Вондрусова (Чехия) мен Жасмин Паолини (Италия) арасындағы кездесу жеңімпазымен ойнайды.

Айта кетейік, биылғы US Open турнирінің жеңімпазы рекордтық 5 миллион доллар көлемінде сыйақы иеленеді.