Марэска Челсидің жарақаттанған ойыншылары мен трансфер жоспарлары туралы айтты

«Челсидің» бас бапкері Энцо Марэска сенбі күні «Стэмфорд Бриджде» өтетін «Фулхэммен» ойын алдында баспасөз мәслихатын өткізді.

Бапкер команданың кадрлық мәселелері туралы хабарлады — Коул Палмер шап жарақатына байланысты матчты өткізіп алады, ал Бенуа Бадиашиль мен Ромео Лавия әлі де қалпына келуде.

«Коул болмаған кезде, біз басқа шешімдер іздеуіміз керек. Үміттенемін, ертең біз бұның үдесінен шығамыз», — деді Марэска.

Бапкер Алехандро Гарначоның келуін растап, оның позициясы туралы пікір білдірді: «Ол — классикалық қанатшабуылшы, мен оны дәл осы позицияда көремін».

Кристофер Нкункудың «Миланға» ауысуы туралы маман: «Кристо — керемет кәсіпқой, бірақ оның позициясында Коул ойнайды, сондықтан ойын уақытын алу оған қиын».

Марэска қарсылас туралы құрметпен пікір білдірді: «Фулхэм — ұйымдасқан команда, әдемі футбол ойнайды. Олардың жетістіктері кездейсоқ емес, олардың жақсы бапкері мен жақсы ойыншылары бар».